Ang Press Photographers of the Philippines Ngayon

Second meeting of the PPP at NPC bldg., Intramuros, Manila, March 8, 201717203024_1908916609338474_8584601363113115491_n

Rey Tamayo, Jr.
Malayo layo na rin ang narating ng isa sa mga maituturing na haliging organisasyon ng mga litratista sa Pilipinas, ang Press Photographers of the Philippines (PPP).

Sa halos anim na dekada, malaki na ang naiambag ng mga kasapi ng PPP sa mundo ng peryodismo at bahagi na ng kasaysayan ng malayang pamamahayag sa Pilipinas.

Isa sa pinakamahalagang aspeto ng mga pahayagan, magasin, antolohiya ay ang mga kuhang larawan ng mga litratista bilang bahagi ng sining biswal. Ngunit ang mga kuhang larawan ay hindi natatapos sa print media lamang, sa kasalukuyan ginagamit na rin ito sa mga telebisyon bilang alternatibong biswal kung sakaling walang video sa isang partikular na balita. At sa tila mabilis na pag-unlad ng teknolohiya, mahalagang sangkap din ang mga larawan/litrato sa mga cyber news at mga website.

Balikan natin ang munting kasaysayan ng PPP at kung papaano ito naging matatag bilang isang institusyon.

Taong 1951, nagsimula ang PPP sa isang simpleng pagtitipon habang kumakain ng pananghalian ang mga litratista ng iba’t ibang diyaryo sa Ramon Lee’s Restaurant sa Ronquillo Street, Sta. Cruz, Manila.

Layunin ng naturang pagtitipon ay upang bumuo ng isang samahan ng mga press photographers na maaaring makatulong kung may mga problema at hinaing ang mga kasapi nito. Nag-ugat ang naturang pagtitipon nang hindi pinayagan ang isang assigned photographer na makakuha ng larawan at makalapit kay dating pangluong Elpidio Quirino at pinagbawalan pa itong makapasok noon sa Malacanang.

Ilan sa maituturing na haligi ng organisasyon ay sina Honesto Vitug ng Chronicle, Marcelo Ablaza ng The Manila Times, at Bert Garcia ng DMHM Philippines Herald.

Matapos ang matagumpay na kampanya ng PPP, isinagawa ang kauna-unahang organizational meeting na dinaluhan ng mga respetadong litratista kabilang na sina Felimon Tuyay, Esmeraldo Izon, Sergio Ruiz, Ignacio Santos, Antolin Bitanga, Jose Sarmiento, Rosendo Cruz, Jose Dungo, Jose del Rosario, Alfredo Santiago, Jose Vitug, Manuel del Rosario ng Manila Chronicle, Alfredo Santiago ng Manila Bulletin; Jose Vitug, Manila del Rosario ng Evening News; Eugenio Sudoy ng Kislap Graphic; Manuel Alcantara, Marcial Valenzuela at Gualberto Reyes ng Manila Times.

Sa kasalukuyan, mas lalo pang naging aktibo ang grupo upang higit pang mapaunlad ang samahan at makapaglingkod sa sambayahan bilang bahagi ng industriya ng pamamahayag.

Ang 2017-2018 PPP officers ay binubuo nina:

President: Jonathan Jalbuna ng ABANTE,

Vice President: Heraldo Cabrido ng US Asian Post,

Secretary: Maximo Ferrer ng Pinas,

Treasurer: Felino Santos ng Manila Standard,

Auditor: Reynaldo Acosta ng Manila Standard

DIRECTORS: Jack Burgos ng Hataw, Gil Roy Domingo ng Business Mirror, Jose Galvez ng GMA News Online, Alberto Gaercia ng Manila Bulletin, Rene Lumawag ng Malacañang Photo, Tony Nepumuceno ng Gamface.ph, Reymundo Nilama ng Remate, Cesario Panti ng Bulgar, Eduardo Reyes Jr. ng Peoples Tonight, Mauricio Victa ng Manila Times.
EX-OFFICIO: Jun Mendoza ng Philippines Star
Advisers: Ms. Rose C. Lara at Ms. Teresa L. Cantor

Kamakailan ay pormal na inilatag ng mga opisyal ng PPP ang ilang mga proyekto tulad ng pagsuporta sa NPC Benefit Race Photo Contest ng Philracom, ang Free Basic Photography Workshop sa mga kabataan at estudyante na pangungunahan ng Education committee at ang PPP Quarterly Photo Contest 2017. Patuloy pa ring bumabalangkas ng mga programa ang mga opisyal ng PPP para sa ikabubuti ng mga kasapi at makapaglingkod sa publiko.

Bumuo na rin ng mga komite na makatutulong sa paglulusad ng mga proyekto tulad ng:
Committee on Education –ang komiteng magsasagawa ng mga Seminars at Workshops. Committee on Ways and Means – ang komiteng mangangasiwa sa paglikom ng pondo ng organisasyon. Committee on Photo Contest/Exhibits –ang komiteng pangungunahan ang mga pa contest at paglulunsad ng photo exhibit. Committee on Medical and Health Services – ang komiteng titingin sa kalagayang pangkalusugan ng mga miyembro.

More power at Kudos, PPP!

Martial Law kontra Terorismo

Rey Tamayo, Jr.

Mayo 23, 2017 – Ang pinakahuling insedente ng pag-atake ng teroristang Maute group sa Marawi City ang tuluyang nag-udyok kay Pangulong Rodrigo Duterte na ipatupad ang Martial Law sa buong rehiyon ng Mindanao upang mapigilan ang karahasan, lawless violence at rebelyon na posibleng maidulot ng terorista grupo na pinaniniwalaang konektado sa ISIS.

Batay sa security at intelligence units ng pamahalaan, mayroong direktiba ang ISIS sa Maute group at Abu Sayyaf leader Isnilon Hapilon na ngayong nagsanib puwersa upang magtatag ng ISIS state sa Mindanao at magsagawa ng pag-atake sa gobyerno.

Ang pagdedeklara ng pangulo ng Martial Law ay nakapaloob sa kasalukuyang Konstitusyon (Article VII Section 18).

The President shall be the Commander-in-Chief of all armed forces of the Philippines and whenever it becomes necessary, he may call out such armed forces to prevent or suppress lawless violence, invasion or rebellion. In case of invasion or rebellion, when the public safety requires it, he may, for a period not exceeding sixty days, suspend the privilege of the writ of habeas corpus or place the Philippines or any part thereof under martial law.

Dahi sa umiiral na ang Martial Law, mahigpit na tagubilin ni Pangulong Duterte sa Armed Forces of the Philippines (AFP) at Philippine National Police (PNP) ang pagpapatupad ng ‘rule of law’ at pagrespeto sa karapatang pantao ng bawat indibiduwal.

Nilinaw naman ng Department of National Defense sa militar na sa ilalim ng batas militar ay hindi suspindido ang Konstitusyon, at ang operasyon ng mga judicial at legislative assemblies.

Nananatiling na ang mga civilian courts pa rin ang may pangunahing hurisdiksyon sa mga kaso laban sa mga sibilyan at hindi ang mga military courts. Hindi rin umano suspendido ang writ of habeas corpus.

Sa ilalim ng batas militar magkakaroon ang AFP ng police powers na mag-aresto ng mga hinihinalang suspek sa krimen.

Upang matiyak naman ang karapatan ng mga suspek at hindi malalabag sa ilalim ng batas militar ay bumuo na rin ng guidelines ang PNP tungkol dito at mayroong do’s and dont’s sa Martial Law. Layunin ng nasabing guidelines na maprotektahan ang karapatan ng mga sibilyan kahit pa umiiral na ang Martial Law sa Mindanao.

Samantala, nakababahala ang pagiging radikal ng mga teroristang grupo sa pagrerecruit sa mga kabataang Muslim para sumama sa kanilang ideolohiya. Ang nangyayari umanong giyera sa Marawi City ay hindi lamang simpleng rebelyon ng ilang Pilipino laban sa pamahalaan kundi maituturing itong invasion ng foreign terrorists na minamaniobra ng grupong ISIS na lumalaganap na sa Gitnang Silangan ng Asya.

Pitong barangay na ang umano’y hawak ng ISIS-inspired Maute fighters kabilang na dito ang checkpoint ng ISIS sa Sarimanok road, Barangays Saber, Mapandi, Amai Pakpak, Basak Malutlut, Amai Pakpak, at Calokan.

Ipinaliwanag din ni Pangulong Duterte na ang pagdedeklara niya ng Martial Law sa buong rehiyon ay bahagi ng estratehiya para mapigilan ang posibleng pagkalat ng karahasan o ‘spill-over’ sa labas ng Mindanao. Wala umanong dapat na ikabahala ang publiko dahil ang pangunahing puntirya ng Martial Law ay ang mga miyembro ng ISIS at ibang lawless elements.

At sana sa lalong madaling panahon ay maresolba agad ng pamahalaan ang krisis na kasalukuyang nagaganap sa Mindanao upang maibalik sa normal ang pamumuhay ng ating mga kababayan na naiipit lamang sa giyera sa pagitan ng mga terorista at ng tropa ng militar.

Hindi natin maitatanggi na sa bawat giyera at kaguluhang nagaganap sa ating bayan ang laging apektado ay ang mga inosenteng sibilyan.

Pray for Marawi.

Ano ang Impeachment Complaint?

Rey Tamayo, Jr.

Kamakailan ay naging laman ng balita ang pagpa filed ng impeachment complaint ni Magdalo Representative Gary Alejano kay Pangulong Rodrigo Duterte dahil umano sa mga kaso kinasasangkutan ng pangulo tulad ng culpable violation of the constitution, bribery, betrayal of public trust, at graft and corruption.

Nasundan pa ito ng magpahayag ng interes si House Speaker Pantaleon Alvarez hinggil sa posibilidad na pagsasampa ng impeachment complaint laban naman kay Vice President Leni Robredo dahil umano sa betrayal of public trust.

Nag-ugat ang nasabing impeachment complaint ng magpadala ng recorded video statement sa United Nations forum na tumatalakay sa palit-ulo issue na malinaw umanong “treasonous”at pagtuligsa sa negatibong epekto ng malawakang kampanya ng Duterte administration upang masugpo ang talamak na bentahan ng ilegal na droga. Ikinakasa na rin ng mga volunteer lawyers ang isa pang impeachment complaint kay VP Robredo dahil sa pagsira ng imahen ng bansa sa unverifi ed statements sa international community (economic sabotage).

Para sa isang ordinaryong si Juan dela Cruz. Ano nga ba ang Impeachment at ang mga nakapaloob dito?

Ang impeachment complaint ay ginagarantiyahan ng Konstitusyon ng Pilipinas. Ito ay nakapaloob sa Section 2 at 3 ng Article XI, na tanging ang Mababang Kapulungan ng Kongreso (House of Representative) ang siyang may mandato na magsampa ng impeachment cases laban sa Pangulo, Ikalawang Pangulo, mga miyembro ng Korte Suprema, mga miyembro ng Constitutional Commissions (tulad ng Commission on Election, Civil Service Commission, at Commission on Audit) at ang Ombudsman.

Kung makakakuha ng one-third na boto mula sa mga miyembro ng House of Representatives para iendorso ang mga impeachment articles ay kaagad na maglalabas ng resolusyon upang maipadala sa Senado.

Ang Senate of the Philippines naman ang magsisilbing impeachment tribunal sa mga impeachment case kung dapat bang alisin sa puwesto ang isang opisyal o kayaý ma-acquit sa kinakaharap na kaso. Sa pag-usad ng impeachment proceeding ang ilan sa mga mambabatas ng House of Representatives ang magsisilbing taga-usig (prosecutors) at ang mga senador naman ang magiging hukom (judges).

Kung sakaling ang Pangulo ng bansa ang nililitis sa impeachment complaint, kinakailangang kasama ng Senate President ang Chief Justice sa kabuohan ng isinasagawang paglilitis. Para maparusahan (convict) ang isang impeachable offi cial, kinakailangang makakuha naman ng minimum na twothirds na boto (16 sa 24 na mga senador) na pabor para sa conviction ng isang partikular na opisyal.

Ilan sa mga impeachment proceeding na naitala sa kasaysayan ng Pilipinas ay ang mga sumusunod:

President Joseph Estrada – Taong 2000 unang nagsagawa ng paglilitis kay Pangulong Estrada ngunit hindi natapos dahil sa hindi pagpapahintulot na mabuksan ang isang kontrobersyal na envelope na sa kalaunaý nag resulta ng 2001 EDSA Revolution, kung saan natanggal si Estrada bilang pangulo ng bansa.

President Gloria Arroyo – Taong 2005, 2006, 2007 at 2008 nang magtangkang pataksikin sa puwesto si Pangulong Arroyo ng kaniyang mga kritiko ngunit kahit isa ay hindi umusad at hindi nakarating sa Senado.

Ombudsman Merceditas Gutierrez – Taong 2011 ang masasabing kauna-unang impeachment proceeding na naging matagumpay na naging dahilan upang tuluyang bumaba sa puwesto si Ombudsman Gutierrez.

Chief Justice Renato Corona – Taong 2012 tuluyang sinibak bilang punong hukom ng Korte Suprema si Justice Corona dahil sa kasong betraying public trust kung saan nakakuha ng 20-3 na boto sa mga Senator Judges.

Usapang Pangkapayapaan

Rey Tamayo, Jr.

Kamakailan ay nagkaroon ng pagpupulong si pangulong Duterte kay Presidential Peace Adviser Jesus Dureza kasama ang ilang miyembro ng gabinete na sina Secretaries Silvestre Bello III, Liza Masa, Judy Taguiwalo, at Rafael Mariano upang talakayin ang mga nakakasang peace engagements sa mga armadong grupo tulad Moro Islamic Liberation Front, Moro National Liberation Front, Bangsamoro, CPP/NPA/NDF at maging sa Cordillerans group.

Ayon kay Dureza, sinsero at pursigido ang pangulong Duterte na magkaroon ng makatarungan at pangmatagalang kapayapaan sa bansa at makamit ang magandang resulta sa mga nakalatag na usaping pangkapayapaan.

Hinggil sa Bangsamoro, nakikita ng pamahalaan ang positibong resulta sa ilulunsad na Comprehensive Agreement on the Bangsamoro kung saan nakatakdang magpulong ang mga kinatawan at opisyal ng MILF, MNLF at iba’t ibang grupo ng Bangsamoro upang talakayin ang single road map tungo sa inaasam na kapayapaan sa Mindanao.

Suportado rin ni pangulong Duterte ang patuloy na paghahangad ng kapayapaan sa autonomous region ng Cordillera at hinikayat ang mamamayan ng CAR na magkaisa at maisakatuparan ang mapayapang layunin ng rehiyon na naaayon sa Saligang Batas.

Samantala, may inihandang special instructions naman ang pangulo sa government peace panel patungkol sa mga alternatibong hakbang upang maisulong muli ang usapang pangkapayapan sa CPP/NPA/NDF, ito’y matapos na kanselahin ng pangulo ang umuusad na peace talks at unilateral cease fire declarations.

Bagama’t naging maayos ang pag-usad ng nakalipas na tatlong serye ng usapang pangkapayapaan na ginanap sa Oslo, Norway ngunit kinansela ni Pangulong Duterte ang negosasyon matapos ang pag-atake ng hinihinalang mga miyembro ng New People’s Army (NPA) sa convoy ng militar na ikinasawi ng tatlong sundalo na naghatid lamang ng relief goods sa mga biktima ng lindol sa Surigao del Norte.

Sa pagkakaudlot ng unilateral cease fires ng gobyerno at ng CPP-NPA-NDF, tila isang malaking hamon kung papaano mareresolba ang ilang mga isyu na nais ng pamahalaan na mabigyan ng kasagutan mula sa NDF.

Sa kabila ng mga nangyari, kumpiyansa pa rin umano ang liderato ng Communist Party of the Philippines, New People’s Army, at National Democratic Front (CPP-NPA-NDF) at ang kasalukuyang administrasyon na muling mabubuksan ang dayalogo hinggil sa usapang pangkapayapaan sa pagitan ng gobyerno at ng komunistang grupo.

Mahalagang maisakatuparan ang usapang pangkapayapaan, ang kailangan lamang ay maging bukas ang isa’t isa hinggil sa iba’t ibang aspeto at tuntunin ng peace negotiation sa pagitan ng pamahalaan at sa iba’t ibang mga armadong grupo dahil nakasalalay sa peace talks ang: ekonomiya ng bansa, maayos na edukasyon lalo na sa mga kanayunan, maayos na pamayanan, buhay ng kapwa Pilipino (sundalo, pulis, pulang mandirigma, mandirigmang moro, sibilyan) at ang dangal ng lahing Pilipino.

Remate columnist shot dead, 3rd journalist killed in Masbate

A columnist of the tabloid Remate was gunned down by motorcycle-riding killers in Milagros town, Masbate Monday morning, media reported. News reports said Joaquin Briones was shot four times in the back along Bombon Bridge, Sitio Feeder Road in Barangay Bacolod around 8:45 a.m. Briones was also popularly known as “Dos por Dos,” for the local radio program he used to host. He also used to publish the Masbate Tribune. Known as a hard-hitting journalist, Briones was convicted in 2000 to more than 12 years in jail for libel and was granted parole after serving almost half his sentence in 2005, records of the National Union of Journalists show.

He was the third Masbate journalist murdered since 2003 when Nelson Nedura was killed December 2 that year and Antonio Castillo was murdered on June 12, 2009. Jun Briones is the second journalist killed under the Duterte administration both of whom are from the Bicol Region. Larry Que, publisher of local paper Catanduanes News Now, was shot by an unidentified gunman December 20, 2016.

Reference:
Rowena Cahiles
Program Coordinator
NUJP-IFJ Media Safety Office
NUJP Hotline: 09175155991

NUJP website is back

… and we’re back!

The National Union of Journalists of the Philippines announces the return of its website, http://www.nujp.org/, which was taken down by a massive denial of service attack Monday night.

As we said then, we were down but never out because, no matter how hard the enemies of press freedom and free expression try, we, the NUJP, the independent Philippine media, the Filipino journalists, and all freedom-loving Filipinos who we serve will never be silenced.

We thank all those who helped spread the message and who stood by us, and those who assisted us in restoring the website.

At the same time, we urge the independent media community and our people to remain vigilant against all forces who wish to silence the free exchange of opinion and dissent in their desire to force us to sing one tune. They and their dark goals are anathema to democracy, which can only thrive in the full exercise of our freedoms and the full enjoyment of our rights.

MABUHAY ANG MALAYANG PAMAMAHAYAG!​

Reference: Ryan Rosauro, chairperson
NUJP Hotline 09175155991

Metamorposis ng mga Istorya

Rey Tamayo, Jr.

Kamakailan ay napabilang ang aming pinakabagong aklat – ang antolohiyang “Wagi/Sawi: Mga Kuwentong Luwalhati at Pighati” sa 37th Manila International Book Fair (MIBF) na ginanap sa SMX Convention Center sa Pasay City (September 14-18, 2016) na inilathala ng University of the Philippines Press.

Ang nasabing book fair ay nilahukan ng iba’t ibang mga publisher at distributor tulad ng Ateneo University Press, University of Santo Tomas Publishing House, University of the Philippines Press, Abiva Publishing House, Adarna House Inc, Anvil Publishing Inc, Vibal Publishing Company, Bookmark Inc, PSICOM Publishing Inc, Precious Pages Corp.,at iba pa na inorganisa ng National Book Development Board.

Isa sa pangunahing tema ng MIBF ay maipabatid sa publiko lalo na sa mga kabataan ang kahalagahan ng pagsulong ng pagbasa maging ang importansiya ng panitikang Filipino.

Ang antolohiyang “Wagi/Sawi: Mga Kuwentong Luwalhati at Pighati” ay binubuo ng mga kontemporaryong kuwentista na kinabibilangan nina Carlo Pacolor Garcia, Chuckberry J. Pascual, U Z. Eliserio , Maki Lim, Mar Anthony Simon dela Cruz, Maricristh T. Magaling, Tilde Acuna, Rachel Valencerina Marra, Soliman A. Santos, Marlon Lester, Vlad Gonzales, Shur C. Mangilaya, John Barrios, Rey Tamayo Jr., Nonon Villaluz Carandang, Christian Tablazon, Jayson V. Fajardo, Bernadette Neri, Isaac Tapar, Mark Angeles, Nino Calalang, German Gervacio, Emmanuel T. Barrameda.

Ang aming kolektibong mga akda ay pinamatnugutan ng dalawang premyado at batikang manunulat na sina Rolando Tolentino at Rommel Rodriguez, kapwa mga propesor ng Unibersidad ng Pilipinas, Diliman.

Tila napapanahon ang mga nasabing akda upang magkaroon ng batayang paralelismo upang patuloy na makibaka sa hamon ng kapalaran lalo na’t ang buhay ng bawat indibidwal ay nahahati sa dalawang magkaibang dimensiyon – ang kasawian at tagumpay.

Ang mga elemento ng Sawi at Wagi ay patuloy sa pag-usad, paggalaw at nababago sa paglipas ng panahon at tila pumipintig gaya ng cursor sa mala kultural at sosyal na ebolusyunismo.

Nais kong sipiin ang ilang bahagi ng paunang salita ng antolohiya buhat sa aking mga editor:

“Sa sobrang tayog, agad lalagpak, matapos pumailanglang sa kalawakan, malulunod sa malalim na kawalan, natagpuan ang sarili subalit biglang maliligaw, matutupad ang pangarap na agad mahahatak ng pagkabigo: ganito binubuo at hinahati ang ating pagkatao. Muling nangahas ang mga kontemporaryong kuwentistang Filipino. Winner o loser, walang in-between sa mga kuwento.

Ginagalugad ang samu’t saring loob at labas ng ating uri, kasarian, sexualidad, henerasyon, relihiyon, etnisidad, lahi, pagkamamamayan at pagkabansa . Narito ang mga kuwentong bumibitaw upang maging matatag ang ating paninindigan, naghihinagpis upang makilala ang tagumpay, nalulungkot upang mangarap. Namayani man ang dalawang polaridad ng ating indibidwal at kolektibong danas, sa huli matatagpuan natin ang ating mga sarili na nilalampasan ang mga luwalhati at pighati ng ating panahon.”

Sa aking personal na akda na pinamagatang “Arlene” – nakasentro ang istorya sa magkababatang sina James at Arlene na kapuwa lumaki sa isang rural na baryo.

May kaya sa buhay ang pamilya ni James kaya’t naging posible sa kaniya na makapag-aral ng maayos mula elementarya hanggang kolehiyo hanggang sa nakapagtapos siya sa kaniyang piniling kurso – ang abogasya.

Samantala, maagang naulila sa mga magulang si Arlene at ang tanging naging kasama sa buhay ay ang kaniyang nakatatandang kapatid na si Alona, na sa kalauna’y nag udyok sa kanya na pasukin ang prostitusyon dahil sa kahirapan sa buhay. Naging mesirable ang buhay ni Arlene hanggang sa mapatay nito ang isang politiko na nagtangkang gahasain siya.

Sa paglipas ng panahon, muling nagtagpo ang kanilang landas sa court room kung saan ipinagtatanggol ni James bilang abogado ang kaniyang kababatang si Arlene na naging biktima ng pagkakataon.

Iginuhit ng kanilang magkaibang kapalaran (Wagi/Sawi) ang ideyalismo ng mapagpatuloy sa laban ng buhay. May iba’t ibang elemento ng kubling-malay na nagaganap sa ating buhay; ang mga kahirapan, problema at pagsubok ngunit hindi natin dapat malimutan na sa kabila ng masalimuot na pangyayayari nananatili ang isang aspeto sa ating mga tao – may pag-asa!

Hindi natin dapat kalimutan na may nalalabing pag-asa sa bawat indibidwal sa atin, sa tulong at awa ng nasa Itaas.

Para sa Literatura at Panitikang Pilipino… Kudos, mga kapatid sa panulat.

Tumatanggap ng puna at mungkahi ang awtor upang higit pang mapahusay ang anyo at nilalaman nito. Maaaring mag email sa reytamayo_2005@yahoo.com / CP: 0925- 735-5567