Pitik sa Pluma : Sa bawat PITIK ng kamera ay may nabubuong larawan na siyang nagbibigay buhay sa PLUMA upang makapagsulat. Ito’y mga elemento ng malayang pamamahayag para sa isang progresibong pagbabago patungkol sa mga usaping panlipunan. Ang pagtungkab sa mga maling ideyalismo na siyang bumubulag sa malinis na adhikain ng sambayanan ay maaaring magwakas sa pamamagitan ng puwersa ng tinta o pluma.
Sa isang nosyon ng pagpapahayag ng malayang saloobin, pananaw at prinsipyo sa isang napapanahong usapin ay hindi maaaring isantabi na lamang lalo na’t ito’y nangangailangan ng paglilinaw buhat sa mga litratista, peryodista at manunulat na nagsisilbing mata, taenga at bibig ng isang demokratikong soberanya.
Binuo ang pitak na ito sa layong paunlarin, palaganapin at itaguyod ang malayang pamamahayag ng mga kabataang peryodista, brodkaster, mamamahayag , litratista at manunulat saanmang dako sila naroroon. Tumatanggap ng mungkahi at puna ang awtor upang higit na mapahusay ang nilalaman at anyo nito.
Protektado ang karapatang-ari sa lahat ng mga orihinal na akdang nakapaloob sa pitak na ito. Kinakailangan ang pahintulot ng awtor bago ito gamitin sa ibang mga publikasyon.
Email: reytamayo_2005@yahoo.com
Other Blogsite: http://tungkab.wordpress.com/
Si Rey Tamayo, Jr., ay isinilang sa bayan ng Jaro, Leyte at namalagi sa Maynila. Siya’y naging editorial assistant ng diaryong Tambuli at Magandang Balita newspaper na lingguhang lumalabas sa mga piling lugar sa Luzon. Sa South Eastern College niya sinubukang kumuha ng kursong Bachelor of Arts. Ang ilan sa kanyang mga akda ay nailathala sa Liwayway, Bulatlat, Liyab, Tinig, ANI Journal (CCP), Philippine Graphic at sa iba’t ibang antolohiya. Siya ay miyembro ng Kamakataan Poets, KM64, Tungkab Writers’ Club, Clicker Photographers’ Club, National Union of Journalist of the Philippines (NUJP), Unyon ng mga Manunulat sa Pilipinas (UMPIL), Samahan ng mga Kabataang Peryodista (SangKaP), Photoville International (PVI) at naging fellow ng LIRA Writers Workshop noong 2006 sa UP Diliman. Sa kasalukuyan ay abala rin sa paggawa ng mga maiikling pelikula at dokumentaryo.
Leave a Comment
No comments yet.
Comments RSS TrackBack Identifier URI
